Shillong, Jymmang 20: Palat hynriew tylli ki kam bymman ki dang sahteng ha ka jingbishar pyrshah ia ki Nongmihkhmat paidbah hapoh ka Jylla.
Kane ka long kat kum ka kaiphod jong ki kam bymman kaba dang sahteng pyrshah ia ki MP\MLA kat haduh ka 1 tarik Jymmang 2024. Ia kane ka kaiphod la pynmih da ka Iingkashari Meghalaya High Court, kaba shong bishar ia ki mukotduma halor kane ka kam ha ka sngi Nyngkong.
“Ka kaiphod ka pynpaw ba ia mynta ki dang hynriew tylli ki case ba dang sahteng ha kaba 4 tylli ki don hapoh ka Iingkashari District & Session Judge, East Khasi Hills, Shillong, kawei ha ka Iingkasahri u District & Session Judge, West Jaintia Hills Jowai bad kawei ha ka Iingkashari District & Session Judge, West Garo Hills” ong ka Iingkashari ha ka hukum.
Ka hukum ka iatuh ba ia ka kaiphod halor ka jingiaid ka case jong kine ki Nongmihkhmat ruh la dep ban aiti da ki Judge jong kine ki IIngkashari. La ai jingbit ia u GA ban shon gbishar ia ki.
Ka Iingkashari kala buh ban bishar biang ia kane ka kam ha ka 11 tarik u Jylliew.
