Guwahati, Nailar 09 : U Myntri Rangbah ka Assam Himanta Biswa Sarma ula thalain ia ka Congress Party bad ong ba ka Manipur kam shym la iohi satia ia ki kam iaumsnam tang ha kane ka sien ba nyngkong bad kane ka Jylla kala sakhi ia ka jingpyniap ia ki nongshongshnong, ki Pulit bad ki shipai mynta la 75 snem hapoh ka jingsynshar ka Congress.
Ula ong ba ha ka por ba synshar ka Congress ha Manipur, shibun ki jingjia pyniap briew kila jia ha kane ka Jylla.
Haba iakren bad ki nongthoh khubor ha Guwahati, u Himanta ula ong “Ha u snem 1990, 300 ngut ki briew kila shah pyniap bad ka dei ka Sorkar Congress ba synshar ha kane ka por. Ha u 1993, 1100 ngutkila shah pyniap, 1997 haduh 400 ngut kila shah pyniap bad ha u 2001, 95 ngut kila shah pyniap. Ha u 2003, 140 ngut kila shah pyniap, 2006, 105 ngut kila shah pyniap. Ha u 2008, 200 ngut kila shha pyniap, ha u 2010, 220 ngut kila shah pyniap bad ha u 2021, 165 ngut kila shah pyniap”.
“Kine baroh ki dei ki kam iapher jaidbynriew bad kiwei pat ki kam umsnam bad ka Congress ka dei kaba don ha ka bor ha baroh kine ki snem. Ka dei namar ka policy ba bakla jong ka Sorkar Congress ha kitei ki snem ba ka Jylla kam shym la lah ban pynbeit ia baroh ki jingiakajia. Kila buh ia ki kyndon lane weng ia ki kyndon hapoh ka Riti Synshar kaba la ktah ia ki jaidbynriew ha ka Jylla” ong u Himanta.
U Himanta ula kynnoh ba ka Congress kala khah snam ha ka kti jong ka hapoh ka thain Shatei Lam Mihngi. Ka Kti jong ka Congress haba phai hi sha ka thain Shatei Lam Mihngi kala bit da ka snam suda. Ha ka jingiakynad 2008 ha Kokrajhar, 64 ngut ki briew kila shah pyniap bad u Myntri Rangbah Duh ka Ri Dr Manmohan Singh u khlem wan iuhkjat satia ha Assam. U MP ka Parliament ula ong ba u Dr Singh ula wan iuhkjat ha Assam hynrei kane kam dei kaba shisha. Ha u 2012, u Dr Singh ula leit iuhkjat ha Kokrajhar tang shikynta eiei, kaba shu leh tang dep rukom”.
Ula ong ba ha ka por jong ka Congress, kala don ka jingiakajia pud hapdeng ka Assam bad Nagaland. “La pynkha ia ka Jylla, hynrei kam shym don ka jingphiah ia u pud u sam ba thikna. U Jawaharlal Nehu ula don jingsngew halor ka jing shngain jongka Indira Gandhi ha ka por b aka thmu ban wan sha Assam ha u 1962. Kaneka jingsngew u Nehru kala mih namar ka jingtieng ba ioh ka Indira Gandhi ka shah rahbor ha ki shipai ka China”.
Also read: Buhthong ka Assam ban wanrah haduh 3.75 lak hectare ka jaka hapoh ka kam rep Oil Palm
