Pynap da ka Benamy Act ia ki trai bad ki trai shnong ba shah Kyrteng
Shillong, Jylliew 18 : Ki Pulit ka West Khasi Hills District, kila pynlong ia ka jingkhynra kaba jur ia ki karkhana coke ba be-ain hapoh ka District mynta ka taiew bad kila ioh kem ia uwei u Hehspah na Beltola uba pyniaid ia kawei ka karkhana be-ain katba bun ki trai karkhana kila phetrieh na ka kti jong ka Ain.
Kane ka jingkhynra kala jia tang shisngi hadien ba ka Iingkashari Meghalaya High Court kaba bthah ia u Director General of Police (DGP) ban wad ban kem ia baroh ki trai jong ki karkhana coke ba beain hapoh ka Jylla.
Ki Pulit Special Investigation Team (SIT) ka West Khasi Hills ha ryngkat ki Magistrate bad ka DMR, kila hiar khynra ia ki kar kana coke ha ka 17 tarik mynta u bnai ha ki thain Shallang bad kila ioh ban kurup haduh 9000 MT u dewiong bad 800 MT u coke bala pyllang ha kawei ka karkhana coke be-ain bala tip kum ka M/s Kalyani Fuels Ltd.
Ki Pulit kila kem ia u trai jong kane ka karkhana uba kyrteng u Youdishtra Bhama ba na Bongaon, Beltola, uba dei u trai shnong ka Hisar District ka Haryana. La ong ba une u Hehspah u dei ruh u nongiasaid Ain.
Ki Pulit kila ioh ban tohkit lai sngi ia une u briew halor ka case bala register ha Shallang Police Station hapoh ka kyndon 188/34/379/120B IPC pule lang bad ka kyndon 3 (1) 21(1) MMDR Act, kyndon 15 EP Act bad kyndon 3 jong ka Explosive Substances Act.
Kat kum ka khubor ba iohlum, la iathuh ba ki don haduh 57 tylli ki karkhana coke kiba don ha ki thain Shallang bad la suba jur ba bun na kine ki karkhana ki dei kiba treikam be-ain.
Ki bor District ki pyntip ba ha kane ka jingkhynra, kila lap ruh ba bun na kine ki karkhana ki dei kiba be-ain bad ki trai ki dei ki Hehspah ba na shabar ka Jylla kiba la shu pynshah kyrteng ha ki briew/traisnnong ka thain Shallang. Ki pyntip ba kine ki trai karkhana kila phetrieh mynta na ka kti jong ka ain.
Ki iathuh ba bun na kine ki trai karkhana ki dei kiba na Haryana, Bihar, Uttar Pradesh, Jharkhand bad Assam nalor kiwei kiwei ki Jylla. Ki pyntip ba ka jingthwet ia kine ki briew ka dang iaid shakhmat.
Haba kylli, la iathuh ba ka jingkem kan long ym tang ia kine ki trai karkhana hynrei wat ia ki briew ne trai shnong kiba pyn shah kyrteng ha kaban pyntreikam ia kine ki karkhana.
Ki iathuh ba ki Pulit kin sa pyndonkam ruh ia ki kyndon ain jong ka Benamy Transaction Act pyrshah ia kine ki hehspah bad ia ki trai shnong ba pynshah kyrteng.
Pule lang ia kane: Rah ka Rangdajied iaka MSL da kaba pynliem iaka Khliehmawlieh ha ka phainal
 ban wad ban kem ia baroh ki trai jong ki karkhana coke ba beain hapoh ka Jylla.){kind=link}