Shillong/Nongpoh, Naiwieng 25: Ki Pulit ka Tnad Crime Branch kila pynlong ia ka jingkhynra kaba jur halor ka kam khaii tuh ia ka umphniang Petrol/Diesel hapoh Ri-Bhoi District bad lap ia bun tylli ki Oil Depot ba be-ain ha kane ka District.
Ia kane ka jingkhynra la pynlong da ka Tnad Crime Branch na Headquarter. La iathuh ba ki pulit kila ioh ban kurup kumba 2 tylli ki tanker ba donkti ban khaii tuh ia ka umphniang (petrol/Diesel) bad ioh kem ruh kumba 3-4 ngut ki briew kiba donkti.
Ka khubor ba iajan bad ki Pulit ka iathuh ba ia kane ka jingkhynra ka pynlong ha shilynter ka surok National Highway ha Ri-Bhoi hynrei ia kine ki Oil depot beain bad ia ki kali la lap ha ki thain Byrnihat, 20 mer bad ter ter.
La iathuh ba kane ka jingkhynra kala wan jia hadien ka jingud jingnam jong ki trai Petrol Pump hapoh ka Jylla, ia ka jingjah/jingsei tuh ia ka umphniang (petrol/diesel) ha lynti ha ka por ba wan kit na Assam, kaba lam sha ka jingduna ka umphniang ha ki petrol pump khamtam ha Nongbah Shillong.
Ka khubor kaba kham bniah kan sa nang wan.
