Shillong, Risaw 4: U jumai uba khlain 3.2 ha u Richter scale, kala pynkhynniuh ia ki katto katne ki bynta ka Meghalaya ha Ri-Bhoi District.
Ka Regional Meteorological Centre (RMC), Guwahati, ka pyntip ba une u jumai ula khie ha ka por 11:29 baje mynstep.
Ka thymmei jong une u jumai la shem ba ka dei na Ri-Bhoi District ha u latitude 25.93°N bad longitude 91.57°E, bad ka jingjylliew jong u ka long 5 kilometres.
Ia kane ka jingkhynniuh la ioh sngew ruh ha ki katto katne ki jaka ba marjan hynrei ki bor khmih ki pynthikna ba ym shym la don kano kano ka jingpynjulor ia ki nongkynti ne jingjia ba sngewsih ia ki briew.
