Itanagar, Jylliew 15 : U jumai ba heh 4.2 magnitude ula khynniuh biang hynne ka step sngi Palei por 8:51 eiei ha Arunachal Pradesh bad la pyntip ba ka thymmei jong une u jumai ka dei na ka shnong Pangin.
Kat kum ka jingpyntip ka National Centre of Seismology, une u jumai ula khie na ka jingjyllei ba 30 km bad u heh haduh 4.2 magnitude.
Ia ka jingkhynniuh une u jumai la iohsngew ruh ha ki jaka ba marjan jong ka thain hynrei kat haduh ba thoh ia ka khubor, kam shym la don satia kano kano ka jingjia ba sngewsih ne ka jingjulor jong ki iing ki sem bad ki nongkynti.
Dang ha ka 11 tarik Jylliew, u jumai ba 3.2 magnitude ula khynniuh ha West Kameng District ka Arunachal Pradesh.
