Nongpoh, Risaw 26: Ka Lyntijam Football Center hapoh ka jingïalam u Bah Sumarlang Swer kum u President lem bad ki dkhot haka jingïatreilang bad ka SPT Sports Bangalore, ka la ïoh ban sdang biang ïaka lympung ïalehkai ball kaba latip kum ka Sunfeast Cup 2023, Meghalaya Master naka bynta ki heprit Shynrang kiba hapoh ka Under 13 bad ki under 16.
ïa katei ka lympung la ïoh ban sdang mynta ka sngi Palei ha Madan ïalehkai jong ka Shnong Mawleiñ Mawkhan.
Ha kane ka lympung ki don haduh 50 tylli ki kynhun ki ban ïa khun ïaknieh ïaka nam lahduh. Ïa kane Ïa kane ka lympung Sunfeast Cup la Sponsored daka Sunfeast ITC Company. Bad la pynlong ïa kane ka lympung kum shibynta ban ai lad ïaki khun samla ïeid football ba kin ïoh ïaka lad ban sei madan ïaka sap ka phong kaba ki don haka jingïalehkai ball bad ki lahduh kin ïoh ruh ïaka lad ban leit ïakhun sha Guwahati.
Ia kane ka lympung la plie pyrda da u bah Jeffrey Warlarpih, Meghalaya Coach kum u kongsan, haka jingïadon lang u Bah Teibor Makri Rangbah Shnong Mawleiñ Mawkhan, bah Manchester Rani, Chairman Mawleiñ Mawkhan Dorbar Pyllun, Vice-President jong ka Mawleiñ Youth Sports Club, Bah Sumarlang Swer President ka Lyntijam Football Center bad kiwei kiwei.
Ia kane ka lympung la pynsdang daka jingïakhun hapdeng ka Shillong Soccer Scout pyrshah ïaka Umbir hakaba ka Umbir ka la pynliem noh ïaka Shillong Soccer scout da 1 kol la 0.
Haka jingïalehkai jong ki heprit kiba hapoh ka 13 snem ka rta, ka jingïakhun kala iaid hapdeng ka PFR Academy Shillong pyrshah ïaka Nartap Grass Root Nongpoh bad ka PFR Academy ka la pynliem noh ïaka Nartap da 5 kol la 0.
