Nongpoh, Nailar 20 : Ka Jylla Sikkim kala ioh ban khur bun eh ki takma na ka lympung ialehkai BFI East Zone Elite Men’s Boxing Championship, 2023 kaba la kut ha ka sngi Saitjain ha madan Kurkalong, Ri-Bhoi District.
Haduh saw tylli ki Jylla kila wan ban iashimbynta ha kane ka lympung ialehkai kaba la pynlong da ka Ri-Bhoi Boxing Association ha ryngkat ka jingiatreilang bad ka Meghalaya Boxing Association. Kine ki Jylla ki dei ka Meghalaya, Assam, Sikkim bad West Bengal.
Ka Sikkim kala ioh ban rah ia bun eh ki takam na kane ka lympung bud sa ka Assam kaba wan ba-ar, ka West Bengal kaba lai bad ka Meghalaya kaba wan ba saw.
Iaka nam kum u rang ia kura ba tbit tam ha kane ka lympung lane u Berst Boxer la iohrah da u Krishna Kailas uba na ka jylla Sikkim bad iaka nam best promising la ioh rah da u Mevin Malngiang na ka jylla Meghalaya.
Ia kane la lympung ialehkai la pynhap pyrda da u Myntri ka Sorkar Jylla ba dei peit iaka tnat ialehkai Bah Shakliar Warjri kum u Kongsan, haka jingiadonlang jong u MLA ka thain u Bah Damanbait Lamare lem bad kiwei kiwei.
Haba ai jingkren ha kane ka sngi na ka liang jong u Myntri sorkar u la ong ba naduh ba u la shimti iaka kam myntri sorkar u la angnud bbha ban kyntiew iaki kam ialehkai hapoh ka jylla la ka dei ha kano kano ka jait jingialehkai khnang ba ki samla kin pynlut por kham bun ka por haki kam ialehkai ban lait na ki jingsniew. Bad u la kular ruh ban ai iaka jingiatreilang bad baroh ki kynhun kiba ju ialeh ban kyntiew iaki kam ialehkai hapoh ka jylla.
Ha kaba kut jong ki jingialeh final ia kaba la pynialehkai ha kiba bun ki category katkum ka jingkhia jong ki nongialehkai.
Pule lang ia kane: Kem ka ANTF ia 3 ngut ki suba nongkhaii droks na Iew Nongstoin
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
