Shillong, Jylliew 3: Ka Glamour Gurgaon kala pynlong ia ka rynsan iakob thei bhabriew ka Mrs World International 2024 Season-2 ha ka 1 tarik u Jylliew ha Leela Hotels and Resorts, Ambience Mall, Gurgaon.
Ha kane ka lympung la pyninam ia ka jingbhabriew bad ia ka sap ka phong jong ki longkmie bala shong kurim, kiba na kylleng ki ri ha kaba kila wan ban iashimbynta ha katei ka jingiakob.
Ka Pinki Maring, kaba la jop nyngkong eh ia ka Miss Meghalaya ha u snem 1998, kala ioh ia ka nam kaba kongsan ka “Mrs World Peace,” ryngkat bad ia ka nam “Beautiful Skin.
Ka jingjop ka Kong Maring kala pyni ym tang ia ka jingjop jongka shimet hynrei kala pyni ruh ia ka jingthrang bad jingtrei shitom ka jongka ban kyntiew ia ka shongsuk bad ka jingbhabriew ha ka pyrthei.
Hashwa ban ioh ia ka pansngiat, ki nongiashimbynta kila hap ban iaid ha kaban pyntbit bad pynkhreh bha ialade ia kaba la ai jinghikai da ka kynhun kaba la tbit bha ha Glamour Gurgaon.
Hapoh ka jingialam jongka Director ka Barkha Nangia, ki nongiashimbynta kila shah pynsain̈dur bad la pynkhreh bha ia ki ba kin tynshain̈ ha ki rynsan ha kylleng ki ri.
Ka jingpynphong ia ka pansngiat Mrs World International 2024 Season-2 ka dei ka nuksa ia ka bor jongka jingbhabriew, bad kaba pyniatylli ia ki longkmie na kylleng ha ka jingrakhe ia ka jingiatylli bad jingpynkupbor.
![Pinterest](https://pinterest.com/pin/create/button/?url=https://kashlem.com/khur-ka-kong-pinki-maring-ia-ka-nam-mrs-world-peace-ha-ka-mrs-world-international-2024/&media=https://kashlem.com/wp-content/uploads/2024/06/Webp.net-resizeimage-58.jpg&description=Ka Pinki Maring, kaba la jop nyngkong eh ia ka Miss Meghalaya ha u snem 1998, kala ioh ia ka nam kaba kongsan ka "Mrs World Peace," ryngkat bad ia ka nam "Beautiful Skin.){kind=link}