Shillong, Lber 20 : U Lat ka Jylla ula khot pynlong ia ka Dorbar Kyrpang ba arsngi jong ka Garo Hills Autonomous District Council (GHADC) ha ka 23-24 tarik Lber bad la ioh jingtip ba ka mat iatai ha kane ka Dorbar ka long ban pynkylla ia ka AD Rules na ka bynta ban pynlong kongsan ia ka syrnot Scheduled Tribe (ST) jong ki kyrtong ba iakhun elekshon.
Kane ka Dorbar Kyrpang kan sdang ha ka por 11 baje mynstep, pyntip u Commissioner & Secretary ka Tnad District Council Affairs (DCA) ha ka jingpynbna ba pynmih ha ka sngi Thohdieng.
Kumjuh ruh u Symbud Myntri Rangbah ba khmih ia ka DCA Bah Prestone Tynsong ula pyntip ba ha kane ka Dorbar Kyrpang, ka GHADC kan mynjur ia ka amendment jong ka AD Rules.
“Ka mat hi ka long kaba shai bha : Kawei n aka mat ka dei halor ka jingpynkylla ia ka AD Rules” ong u Bah Prestone haba iakren bad ki nongthoh khubor haba pyntip ba kane ka kam, kam kut satang tang ha ka Rule 128.
“Ngi don 7, ngi don 8….ynnai shu rai pynkut..ai ba ka jingpynkylla kan jia, ngi hap ban burom ia ka rai jong ka Iingdorbar” ula ong haba kyntait ban batai ia ki jingpynkylla hashuwa ka jingiatai bad ong “Kumno ngan iathuh ia phi mynta? Ap hadien ba dep mynjur ka Iingdorbar ia ka amendment”.
Ia kane ka Dorbar Kyrpang la khot pynlong hadien jong ka rai ka Sorkar Jylla ban pynjlan ia ka samoi treikam ka GHADC sa hynriew bnai.
 ha ka 23-24 tarik Lber bad la ioh jingtip ba ka mat iatai ha kane ka Dorbar ka long ban pynkylla ia ka AD Rules na ka bynta ban pynlong kongsan ia ka syrnot Scheduled Tribe (ST) jong ki kyrtong ba iakhun elekshon.){kind=link}