Shillong, Rymphang 11: U General Secretary ka All India Congress Committee (AICC) Jairam Ramesh, hynne ka sngi saitjain, ula khot ia u Dr Mukul Sangma bad ka kynhun jong u kum ka ‘Judas Mukul Party’ (JMC).
Haba kular ba kila don bun ngut ki nongialam kiba la shet kylla ia ka Congress Party ha kine ki khyndiat snem bala leit, u Jairam ula ong “Ki jingkut jingmut jong ki ban shakri kat kum ki nongrim jong ka Congress kam long satia kaba khlain”.
Ula ong ba ki don bun ki puppet jong ka BJP ha Jylla kynthup ia ka NPP bad UDP hynrei mynta kala mih sa kawei ka puppet thymmai ha ka sain pyrthei ka Meghalaya bad kane ka dei ka JMP.
U Jairam ula kren ia kane hadien ka jingpyllait paidbah ia ka manifesto bad ka jingrwai jong ka party ha Shillong.
