New Delhi, Nohprah 11 : U Myntri Rangbah ka Assam Himanta Biswa Sarma, hynne ka sngi, ula iakynduh ia u Myntri Rangbah Duh ka ri Narendra Modi bad khot sngewbha ba un wan plie paidbah ia ki project ba kongsan ha Assam.
Ha kane ka jingiakynduh, u Himanta ula pynpaw ia ka jingsngewnguh ia u Myntri Rangbah Duh ka Ri uba la ai ka jingkyr shan borbah ia ka Sorkar Jylla bad jingtbin lynti nalor ka jinglong nongialam.
Lyngba ka X, u Himanta ula ai ia ki jingtip kiba bniah halor ki project bapher bapher bala pyntrei hapoh ka Jylla haba khot ia u PM ban iadonbynta lang ha kine ki project.
“Nga ioh ia ka lad ban iakynduh ia u Myntri Rangbah Duh ka Ri hynne ka sngi bad pyntip ia ka jingsngewnguh ka Assam ia ki jingbtin lynti bad jingialam bad batai bniah ruh ia u halor ki prokram ba pynmyntoi ia u paidbah ha ka jingiakren” ong u Himanta hapoh ka X.
“Ka dei ka jingsngewkmen jong nga ban khot sngewbha ia u PM Modi ba un wan sha Assam bad buh mawnongrim ia ka Kamakhya Corridor project, statue u Bir Lachit ha Jorhat bad plie paidbah ia ka Tinsukia Medical College nalor ka jingbuh mawnongrim ia ka Sivasagar Medical College” ula bynrap.
U Himanta ula iathuh ruh “Nalor kane nga la shim ruh ia ka kabu ban pan jingmut na u PM Modi ha kaban pynlong ia ka Assam Business Summit ha u snem 2024. Ka jingthong jong ngi ka long ban wanrah ia ka rynsan kaban khring ia ki nongkynshew kam shimet bad ban pyntyllun sted ia ka shaka ka roi ka par”.
Furthermore, I took the opportunity to seek the Hon’ble PM’s counsel on organizing the Assam Business Summit in 2024. Our aim is to establish it as a platform to attract private investments and accelerate our economic growth.
3/3 pic.twitter.com/zqcMZeab5X
— Himanta Biswa Sarma (@himantabiswa) December 11, 2023
