Guwahati, Jylliew 15 : U Myntri Rangbah Duh ka Ri Narendra Modi, ula khot sngewbha ia u Pope Francis ban wan kai sha India, haba pynpaw ia ka jingiap biej ia ka jingaiti u Pope ban shakri ia u para bynriew.
Ia kane ka jingkhot sngewbha la pynpaw ha ka jingiakynduh jong ki hapoh ka G7 Summit kaba long ha Apulia, Southern Italy, ha kaba ki nongialam na kylleng ki ri ka pyrthei kila iakynduh ban iakren halor ka Artificial Intelligence, Energy, Africa bad ka Mediterranean.
“Iakynduh ia u Pope Francis shabar ka jingialang @G7 Summit. Nga iapbiej ia ka jingaiti jong u ban shakri ia ki parabriew bad pynlong ia ka pyrthei kaba bha. La khot sngewbha ia u ban wan sha India” ong u Modi ha ba thoh ha X.
Kane ka jingiakynduh u Modi ia u Pope Francis kala wan jia ruh ha ka por ba ka BJP kala pyrshang ban pyniajan bad ki paid Khristan hashuwa jong ka elekshon ba dang shu dep.
Kane ka jingiakynduh kala jia hadien ka jingiakynduh ha Apostolic Palace ha Vatican ha u Risaw 2021, kaba iakren halor ka Cavod-19, ka jingkylla ka suin bneng bad kiwei kiwei.
U Modi ula pyntip ia ki sienjam ba ka India kala ban iakhun ia ka jingkylla ka suinbneng nalor ka jing ai inkek dawai covid ia palat shi billion, bad ioh ruh ia ka jingiaroh na u Pope Francis halor ka jingiarap ka India ban pynpoi dawai Covid sha kiwei pat ki ri ka pyrthei.
