Shillong, Nailar 30 : U Secretary ka Meghalaya Human Rights Commission (MHRC) ula pyntip ba ka National Human Rights Commission (NHRC) kala khot thep kyrteng ia ki nongshna phlim sha ka jingiakop ba khyndai jong ki phlim lyngkot (short film) kiba iadei bad ka hok longbriew manbriew.
La pyntip ba kila bun bah ki nongthep kyrteng na kylleng ki bynta jong ka Ri ki ban wan iashimbynta ha kane ka jingiakop.
Ka thong jong kane ka khusnam ka long ban pynshlur bad aijingithuh iaki jingtbit bad jingdonsap ban shna phlim da ki nongshongshnong ka Ri, khlem da khein ia ka rta, ha kaban kyntiew bad iada ia ka hok longbriew man briew.
Ka sngi ba khatduh ban pdiang ia ka jingthep kyrteng kan long ha ka 30 tarik Nailur, 2023. Ia ki kyrteng lah ban phah online sha ka [email protected], da kaba pyndonkam ia ka Google drive folder.
Ka khusnam pisa ia ka phlim ba wan nyngkong, ba-ar bad ba lai kan long T. 2 lak, T. 1.5 lak bad T. 1 lak. Nalor kine ki song pisa, yn ai ruh ia ki syrnot bad ki trophy bad lah ruh ban ai ia ka syrnot ba batai kyrpang lem bad ka song pisa ba T. 50,000 sha ki katto kate ki phlim lada ai jingmut da ki nongbishar.
Kine ki phlim lyngkot ki lah ban long ha kano kano ka ktien ki nong India ha ryngkat ki sub title ha ka ktien phareng lane hindi. Ka por jong kine ki phlim lyngkhot kam dei ban duna ia ka 3 minit lane palat ia ka 10 minit.
Ia ki kyndon jong ka skhim bad ka phorm ban aplai lah ban download naka NHRC website: www.nhrc.nic.in OR the link: https://nhrc.nic.in/document/nhrcs-short-film-competition-%E2%80%93-2023.
Pule lang ia kane: Beh krad ka KSU ia 10 ngut ki bar jylla ba trei khlem kot ha Umryngksai
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
