Shillong, Nohprah 10 : Ka North East Students’ Organisation (NESO) kala khot ban pynlong ia ka jingrakhe “Sngi ba dum ngit’ ha baroh ki 7 tylli ki Jylla ka thain la 11 tarik Nohprah, kum kadak ban pyrshah ia ka Citizenship Amendment Act (CAA), 2019.
Ha ka kyrwoh, ka NESO kala pynkynmaw ia ki paidbah ka thain Shatei Lam Mihngi ba ha ka 11 tarik Nohprah, 2019, wat hapdeng ki jingpyrshah ba khlem sangeh jong ki riewlum trai muluk pyrshah iaka Citizenship (Amendment) Bil, 2019, ka Sorkar India kam shym la pynsngap bad khatduh lyngba ka Rajya Sabha, la ai jingmynjur ia ka ain Iakjakor kaba la tip kum ka Citizenship (Amendment) Act, 2019.
“Ka NESO kala pynbna ba ka 11 tarik Nohprah kan dei ka sngi ban sah jingkynmaw kum ka “sngi ba dum ngit” na ka bynta ka thain Shatei Lam Mihngi. Kumta, kum ka jingbteng ban rakhe ia kane ka sngi bad um ngut, ka NESO kala rai ba kan don ka jingpynher lama iong bad ki banner rong iong ha baroh ki jaka ba kongsan jong ki 7 tylli ki Jylla ka thain Shatei Lam Mihngi ha ka 11 tarik Nohprah” kala ong.
“Ka jingrakhe ka long ban phah ia ka khubor sha ka Sorkar India ba ngi ieng pyrshah ia ka Citizenship (Amendment) Act, 2019 bad ha kajuh ka por ban pynkynmaw ia ki briew jong ngi bad ia ki pateng ban wan sa ia kawei ka jingleh bym hok kaba ka Sorkar India kala leh pyrshah ia ki riewlum trai muluk jong ka thain Shatei Lam Mihngi” bynrap ka NESO.
Ka NESO kala kyntu ia ki paidbah ka thain Shatei Lam Mihngi ba kan kyrshan ia kane ka jingrakhe bad ban bteng ha ka jingiakhun iala ka jong ka hok.
 kala khot ban pynlong ia ka jingrakhe “Sngi ba dum ngit’ ha baroh ki 7 tylli ki Jylla ka thain la 11 tarik Nohprah, kum kadak ban pyrshah ia ka Citizenship Amendment Act (CAA), 2019.){kind=link}