Shillong, Mar 15: Ka Meghalaya Cricket Association kala khot aplikeshon ia ki nongialehkai Cricket kiba la don ka jingshemphang (experience) na ka bynta ka kam jied nongialehkai ka Jylla ne State-Level Selectors.
Ki Selectors ki donkam na ka bynta ban jied ia ki nongialehkai ha ka kyrdan Senior Men, Junior Men, Senior Women bad Junior Women.
Ka kamram ka jongki ka long ban ithuh bad ban jied ia ki nongialehkai kiba tbit na ka bynta ki kynhun ialehkai bapher bapher jong ka jylla, ban thaw bad pyntreikam ia ki polisi jied nongialehkai bad ban iatreilang bad ki Coach bad kiwei kiwei ki bor khmih.
Kiba don ia ka jingthrang, ki lah ban aplai ryngkat bad ka jingjop ka jongki ha ki jingialehkai cricket bad ia ka kyrdan jingpule sha ka Cricket Advisory Sub-Committee hapoh ka 18 tarik u Lber 2026. Kiba don jingthmu ki lah ban shu email ha ka [email protected].
Kiba aplai kidei ban long hapoh 60 snem ka rta, kidei ban long ki trai riewlum jong ka Meghalaya ne kiba la shong shi rta ha ka jylla. Ki dei ban don ia ka jingshemphang ha ka jingialehkai ha ka district/state level bad kiba sngewthuh bha ia ka jingialehkai bad ia ka jinglong jingman kaba mynta.
Kiba khlain ha ka jingpyniadei bad ka jingiakren bad kumjuh ban don ia ka sap ban bishar bniah kadei kaba long kongsan bha.
Lada shah jied, ki kyrtong kidei ban kloi ban leit shabar ka jylla na ka bynta ban jied nongialehkai. Ki hap ruh ban soi ia ka soskular ba ‘U ne Ka’ kidei ban pyllait bad ban don dalade ha madan ha ka State Selection Trials, Nets, khamtam eh ha ka Selection Matches bad ha baroh ki kam ialehkai cricket kiba iadei bad ka jingjied ia ka kynhun.
Kiba shah jied kin ioh ia ka jingsiew kum ka Professional Fee/TA bad DA kaba la buh da ka MCA.
 na ka bynta ka kam jied nongialehkai ka Jylla ne State-Level Selectors.){kind=link}