Shillong, Naiwieng 28: U Myntri ka tnat Food, Civil Supply bad Consumer Affairs ka Jylla Bah Comingone Ymbon ula pyntip ba ka Sorkar kala khot daka jingialang bad ka North East Petroleum Mazdoor Union (NEPMU) ha Circuit House Nongpoh haka 29 tarik mynta u bnai.
Haba pyntip ia kane, u Bah Coming ula iathuh ba iaka jingialang bad ka NEPMU yn khlieh da u Secretary ka Civil Supply bad Consumer Affairs u Pravin Bakshi haka jingdonlang hi heh ka tnat Pulit bad ki bor district.
Lah ban kdew baka NEPMU kala byrngem ban ym kit umphniang IOCL, BPCL bad HPCL sha Meghalaya halor ka jingkynnoh ba ki Pulit kila pyndik bad thombor ia ki nongniah bad nongbud trok kit umphniang da kaba shah kem bad kiwei kiwei tang namar ka jingsuba ba ki trei bym hok.
“Ban wanrah biang iaka jingiasngewthuh jingmut, ka Sorkar Jylla kan shong jingialang bad ka NEPMU lashai ha Nongpoh haka por 12 baje ban pynbeit ia ki jingkynnoh baroh bad ban pynthikna ba ka jingwan rah umphniang kali kam dei ban sangeh ha Meghalaya” la ong u Bah Coming.
U Bah Coming ula iathuh ba haduh mynta ka Jylla kam duna iaka jingdon umphniang bad ula bynrap ba ki paidbah kim dei ban khuslai namar ka Sorkar ka shim khia halor ka jingbyrngem ka NEPMU.
Ula iathuh ba ka Sorkar kala iakren bad baroh ki Deputy Commissioners (DC) jong ki District ban pynthikna ba ka jingpoi ki kali kit umphniang kan iaid beit iaid ryntih khlem kano kano ka jingshah pynthut.
 ha Circuit House Nongpoh haka 29 tarik mynta u bnai.Haba pyntip ia kane, u Bah Coming ula iathuh ba iaka jingialang bad ka NEPMU yn khlieh da u Secretary ka Civil Supply bad Consumer Affairs u Pravin Bakshi haka jingdonlang hi heh ka tnat Pulit bad ki bor district.){kind=link}