Shillong, Naiwieng 13 : Ka Tnad Meghalaya Police, kala khot hajir mynta sa ia u Nongialam ba hakhlieh duh jong ka seng Federation of Khasi Jaintia & Garo People (FKJGP) halor ka huri hura kaba mih na ka rally halor ka jingkyrduh kam, kaba la pynlong da kane ka seng ha ka 28 tarik u Risaw 2022.
Ka Tnad Pulit kala register case ia ki Nongialam ka FKJGP hapoh Sadar Police Station bad ha Laitumkhrah Police Station halor ka jingshah shoh ki briew ba iaid ba ieng bad ka jingpynjulor ia ki kali da ki nongiaid rally ha ki thain Police Bazaar, Malki bad Dhankheti.
Mynta ki Pulit kila khot hajir da ia u President ka Seng Kmie Bah Dundee C Khongsit ha Sadar Police Station bad la pynngat ia u ha kijuh ki case bala pynngat ia u General Secretary Bah Eldie N Lyngdoh bad ia u Senior Vice President Bah Elton Cliff Warjri bad kiwei kiwei ki Nongialam.
Ia une u Nongialam la FKJGP la phah wan hajir ha ka sngi nyngkong ka 14 tarik Naiwieng ha Sadar Police Station ha ka por 11 baje mynstep.
