Tura, Naitung 03 : Ka Special Inquiry Committee (SIC) ka Garo Hills Autonomous District Council (GHADC), kala khot hajir ia u MDC ka BJP na Tura Bernard N Marak ba un ai jingpynshai ha ka 4 tarik Naitung, halor ka kynrum kynram thung Consultant GST.
“Kane ka jingpynshai da kaba shu batai da ka ktien ka dei shi bynta jong ka jingtohkit ba dang iaid halor ka rukom pyniaid kam, ka rai ki bor treikam bad ki jingpyntip ba iadei bad ka jingthungkam Consultant GST, ki kam kiba iaid hadien kane, bad kiwei ki kam kiba la pynsngew lyngba ki lad bapher bapher” ong ka kyrwoh bala pyllait da ka GHADC.
Ka SIC, kaba la thung da ka Resolution jong ka Executive Committee ha ka 9 tarik Jylliew, kala pyndep ia ki jingbishar napoh iing, kynthup ki jingbatai jong ki Ophisar ki Tnad bapher bapher bad u Consultant ba don bynta.
Ka jingai sakhi u Bernard la khmih lynti ba kan synniang bha sha ka jingpyrshang ba dang iaid jong ka Committee ban wanrah ia ka jingtreikam kaba shai, kaba khuid ba suba bad kiba beit ryntih.
“Ka jingwan mih u Bernard la khmih lynti kan kyrshan ia ka jingpyrshang ka Committee ban pynthikna ia ka jingtreikam kaba shai, kaba khuid ba suba bad ki jingshisha kiba shai kdar halor kane ka kam” ong ka kyrwoh.
Haba ban jur ia ka jingkut jingmut ban pynlong ia ka jingtohkit kabym shah liang, ka SIC kala ong ba baroh ki jingai jingbatai da ka ktien, la pynlong kat kum ki kyndon kiba la buh.
 ka Garo Hills Autonomous District Council (GHADC), kala khot hajir ia u MDC ka BJP na Tura Bernard N Marak ba un ai jingpynshai ha ka 4 tarik Naitung, halor ka kynrum kynram thung Consultant GST.){kind=link}