Shillong, Jymmang 17 :Arsngi shuwa ka jingialang jong baroh ki seng sain pyrthei, ka Khun Hynniewtrep National Awakening Movement (KHNAM) hynne ka sngi Balang, kala pynpaw ba ka jingiakren ia ka “Roster System” khlem da ktah ia ka “ Reservation Policy” kan nym long satia kaba pura.
“Kat kum ka shithi ba ngi la ioh pdiang da ka party bad kat kum ka mat bala kdew, kala paw shai ba ka mat ban iakren ha ka jingialang jong baroh ki seng sain pyrthei kan dei ka “Reservation Roster”. Ngi kwah ban pynpaw hangne baka jingiakren ia ka Reservation Rostem khlem da ktah ia ka Reservation Policy kan nym long satia kaba pura halor ka nongrim ba baroh kine artylli ki dei kiba iaid lang bad ka Roster ka dei kaba mih naka Reservation Policy” ong u General Secretary ka KHNAM Bah F Marpna ha ka kyrwoh.
Pule lang ia kane: Dawa ka VPP : Pynbiang tarajur ia ka Reservation Policy kat kum ka jingdon paid
Ula ong ba ka KHNAM ka khmih lynti ia ka jingiakren kaba bniah bha halor ka jinglong jingman ba mynta jong kaRoster bad ka Reservation Policy ha ka jingialang ki seng sain pyrthei ka ban long la 19 tarik Jymmang.
“Ngi kyrmen ba kan ym kut tang ha ka jingpyni ia ki jingbatai na ka Sorkar lane kano kano ka jingpyrshang ban pynksan ia ki jingbym biang ha ka jingpyntreikam ia ka Roster naduh ki snem bala leit noh haduh mynta hynrei ki seng sain pyrthei kin ioh ruh ia ka por ba kylluid ban buh hakhmat ia ki jingpynsngew jong ki” ula bynrap.
Nalor kane, ka KHNAM kala thalain ruh ia ka Sorkar Jylla halor ka jingbym lah ban pynsangeh shuwa ia ka jingthungkam thungjam ha ka Jylla.
“Ngi la dep buh ia ka jingdawa mynta la shibnai ia ka Sorkar ban pynsangeh shuwa ia ka jingthungkam tad haduh ban da dep iakren bad shim rai ia kine ki mat. Ka long kaba lyngngoh baka Sorkar kam mynjur satia ia kane” ong u bah Marpna.
Pule lang ia kane: Hun ka Kynhun Myntri ia ki jingbatai halor ka Roster System, lashai yn iakren ha MDA, lashisngi ha ka All Party Meeting
