Shillong, Naitung 04 : U Myntri ka Tnad Social Welfare Bah Paul Lyngdoh ha ka sngi Ba-ar ula pyntip ba u Commissioner & Secretary ka Tnad ula khlieh iaka Search Committee ban jied ia ki briew ki biang ban thung kum ka Chairperson ba thymmai ka Meghalaya State Commission for Women (MSCW).
Haba iakren bad ki nongthoh khubor, u Bah Paul ula ong ba ka Committee ba kynthup ia laingut ki Dkhot bad lai ngut ki Principal jong ki College kum ki non-official member.
Haba kyntait ban kynthoh ia ka legal notice bala ai da ka Chairperson barim ka MSCW Kong Phidalia Toi, u Myntri ula ong “Nga la ong ia kaei kaba nga kwah ban ong hynrei kaei kaba ngi leh mynta ka kham kongsan ia kawei ka briew”.
Haba kylli ba ka kong Phidalia kala kynnoh ia u ba u pyndonkam bakla ia ka bor, u Bah Paul ula ong “Phi lah ban iakren beit bad ka”.
Halor ka jingdkhat jingim ka samla 16 snem ha Shelter Home namar ka kam leh beijot, u Myntri ula ong “ Kine ki dei ki jingjia kiba sngewsih hynrei mynta kaei kaba ngi la lah ka long ban pynkylla ia ka rukom treikam ka tnad”.
“Ngi la wanrah ia ki Ophisar kiba shemphang bha bad ka pule ka dangle kum ka Director ka Tnad Social Welfare. Nga thikna, kan lah ban synniang kham bha namar kine ki dei ki bynta ha kaba shibun ki jingiasyllok ki donkam ban leh” ula bynrap.
U Bah Paul ula ong ba dei namar kata, “Nga la shimkhia bha ia ka kam bad lashai ka sngi bad la shisngi, ngan leit sha West Khasi Hills ban peit kumno ka skhim ICDS ka treikam. Kane kan sdang na West Khasi Hills”.
Pule ruh: Thoh ka HYC sha ka Law Commission ban nym pyntreikam ia ka UCC ha Meghalaya
.){kind=link}