Shillong Nailur 02: U Superintendent of Police (SP) ka East Khasi Hills, u Bah Vivek Syiem, hynne ka sngi Baar ula pynshai ba ka jingkam kawei ka khynnah kynthei m ba kala shah dung da u injekshon ha ki ar ngut ki runar, kam dei satia kaba la jia shisha.
“Ha ka 18 tarik u Nailar ka Lumdiengjri Police Station kala ioh ia ka jingtip ba kawei ka khynnah kynthei la kynnoh ba kala shah dung da u injekshon ha ka tyrpeng ka kamon, ha ki arngut ki briew kiba la phong ia ka ‘helmet’ hajan ka Bible Society of India, Jaiaw. Kane ka jingjia kala pynmih ia ka jingsngewkhia bad jingsheptieng jong ki paidbah. Kumta ka Lumdiengjri PS lyngba ka Case No. 108(08)2025 hapoh ka kyndon 123/125 jong ka BNS la dep ban rejistar bad pynlong ia ka jingtohkit” pynpaw u SP ha ka kyrwoh.
“Hadien jong ka jingtohkit, la lum ia ki sabut kiba donkam bad la shim ruh ia ka jingbatai ne Statement kaba la rekod da ka iingkashari. Ha ka jingtohkit la shem ba katei ka jingkynnoh kam shim la jia kumba la ujor ha ka ejahar” ong u SP.
Ula pynpaw ba katkum ka jingbud ryntih ia ka lynti jong ka aiñ, ia ka kaiphod ba pura yn sa aiti sha ka iingkashari.
Kumban shu pynkynmaw kane ka jingjia ym tang ba kala pynsyier ne pynsheptieng ia ki paidbah hynrei la sakhi ruh ba bun kila pynrem jur halor kane ka jingjia ban thombor ia kane ka khynnah kynthei katba ka dang iaid lynti ban leit skul.
Ka Chairperson jong ka Meghalaya State Commission for Protection of Child Right ka Agatha Sangma, u MLA ka North Shillong u Bah Adelbrt Nongrum, ki nongialam ka KSU kumjuh ruh ka NPWF ka seng kynthei jong ka seng NPP kala leit ban pynpaw ia ka jingsngewkhia bad kila leit jngoh ia kane ka khynnah kaba don hapdeng ka jingshah sumar ha Dr H Gordond Roberts Hospital na ka jingshah dung da u injekshon ha ki runar.
 ka East Khasi Hills, u Bah Vivek Syiem, hynne ka sngi Baar ula pynshai ba ka jingkam kawei ka khynnah kynthei m ba kala shah dung da u injekshon ha ki ar ngut ki runar, kam dei satia kaba la jia shisha.){kind=link}