Shillong, Iaiong 08: U Bah Sumar Sing Sawian uba long u nongthoh khubor bad u nongthoh kot ba pawkhmat bha ha ka jylla ula khlad noh haka 7 Tarik u ïaiong 2023 bad ka jingpyndep iaka lehniam leh rukom kan long haka 9 tarik u Iaiong ha u Lum Jingthang jong ka Seng Khasi uba don ha Jaiaw.
U Bah Sumar Sing Sawian u la don 81 snem ka rta bad u shong u sah ha Labansaro, Umroi, Ri Bhoi District bad u dei u khun jong i kong (L) Drolimon Sawian.
Une u Rangbah udei uba la trei shitom bad noh synniang bha ha ka thoh ka tar bad khamtam ia ki jingthoh kiba iadei bad ka kolshor bad ka riti dustur u Khasi bad ula ioh pdiang ruh iaka khusnam Tirot Sing Award naka sorkar jylla ha kaba iadei bad ka thoh ka tar bad ula ioh ruh bun tylli ki khusnam na ki kynhun bapher bapher.
U bah Sumar u dei ruh u rangbah nongialam jong ka Seng Khasi Seng Kmie bad mynshwa ula long teng ruh kum u Editor jong ka kot khubor Apphira, u Chief of Bureau jong ka PTI Shillong bad ula don bynta ruh ha ka All India Radio, DDK bad bun tylli ki lad pathai khubor bad ula thoh ruh bun tylli ki kot.
