Rome, Nohprah 31: U Pope barim Pope Benedict XVI ula khlad noh hala iing ha Vatican ha ka rta ba 95 snem, kaba long ruh hadien 10 duna ba u iehnoh ia ka kam Pope namar ka jingban ka jingshitom.
U Pope Benedict XVI ula ialam ia ka Balang Catholic la jan phra snem tad haduh u snem 2013 ba u iehnoh ia ka kam. U dei u Pope ba nyngkong ban iehnohkam hadien u Gregory XII ha u snem 1415.
U Pope Benedict ula pynlut ia u snem va khatduh ha Mater Ecclesiae Monestary, kaba don hapoh ki saw kynroh ka Vatican.
U Nongshimti pateng Pope Francis ula pyntip ba ula leit jngoh man ka por ia u Pope Benedict ha kane ka iingsah.
Ka Vatican ha ka kyrwoh kala pynpaw “Da ka jingpang mynsiem nga pyntip sha phi ba u Pope Emeritus, Benedict XVI ula khlad noh hynne ka step por 9:34 ha Mater Ecclesiae Monastery jong ka Vatican.
“Yn sa nang ai jingtip shuh shuh kham kloi kat kaba lah”.
Ka Vatican ka pyntip ba ia ka met jong u Pope Emeritus yn sa buh ha St. Peter’s Basilica naduh ka 2 tarik Kyllalyngkot na ka bynta ka jingai khublei khatduh da ki paid riewngeit.
Ia ka jingleit on tep ia u Pope Benedict yn sa pynbna kham hadien katto katne kynta, ong ka Vatican.
