Nongpoh, Rymphang 09: U jumai ba jur bha bad ba kot haduh 8.2 magnitude ka jingthew ha ka rickster scale, u la khie kynsan kynsan hynne ka step Nyngkong ha Jylla, kaba la wanrah ia ka jingkhlad da ki spah ngut ki briew bad mynsaw da ki hajar bad bun tylli ki jingtei kila khyllem.
Kane ka jingkhih u jumai ka la ktah ruh ha ki bynta jong ka Ri Bhoi District.
Une u jumai ula khie ha ka State Level Mock Drill halor ka jingpynjulor u jumai, kaba la pynlong ha ki artylli ki jaka-ka Shillong Airport, Umroi bad ha M/s Umiam Distillation Pvt, Lts, EPIC, Byrnihat.
Kane ka State Mock Drill ka dei kaba la pynlong da ka Meghalaya State Disaster Management Authority (MSDMA), ka District Disaster Management Authority (DDMA), ka Revenue & Disaster Management Department ha ka jingiatreilang bad ka National Disaster Management Authority (NDMA).
Ha kane ka sngi, la ia donlang ruh da u Bah A.Marthong Assistant Commissioner Ri Bhoi District, ki heh ophisar na ka Tnad Pulit, ki Nongtrei na ka Tnad ka koit ka khiah, ka Tnad Fire & Emergency Service, ki Nongtrei na ka Bhoirymbong C&RD Block, ki Nongtrei ka Shillong Airport, Umroi lem bad kiwei kiwei ki heh ophisar.
Lyngba kane ka State Level Mock Drill, la ai jinghikai ia ki paidbah kumno ba ki dei ban long kiba pynkhreh haba don ka jinglynshop ki bor ka mariang khamtam na ka jingkhih u jumai, ban tip ia ki lad jingiarap bad jingiada, kumno ban ai jingiarap ruh ia kiwei ha ki por ba kyrkieh bad kiwei kiwei.
