Agartala, Risaw 16: Ka shongsuk shongsain kala shong synjor ha North Tripura District hadien ba mih ka jingiakynad hapdeng ki paid Hindu bad ki Muslim ha Pekucherra hynne ka sngi Balang.
Ka jingïakynad ka la mih hadien ba ki riew sniew ki bym lah ban ithuh, ki la pynjulor ïa kawei ka Temple Shiva ha ka thaiñ Pekucherra, kaba dei ka thain ba don ki nong shong shnong ïakhleh lang.
Haka jingkput kylla, ka kynhun ki briew bym ithuh ki la pynjulor ia kawei mosque ki Muslim, kaba la wanrah ia ka jingkulmar kaba jur ha katei ka thain.
Ban tehlakam ia ka jinglong jingman, ki bor district kila phah da ki kynhun shipai ban pahara bad la pynjari ia ka kyndon ba khang ia ki jingialang ha baroh kawei ka district.
La khang ruh iaka Internet Mobile ha ka District na ka bynta 72 kynta, kaba treikam naduh ka por 7 PM jong ka 15 tarik mynta u bnai.
