Shillong, Naitung 13: Ka surok ka Nongbah Shillong khamtam ha ki thain Civil Hospital, Barik bad IGP hynne ka sngi kala sakhi ka jingdheng kali hadien ba ki nongniah Taxi kamai kila pynieng iala ki kali ha surok.
Kane ka jingpynieng ki Dribar iaki Taxi ha surok kadei ban pyrshah iaka hukum jong ka Deputy Commissioner (DC) ka East Khasi Hills ba pyntreikam daka Odd/Even iaki kali kamai kiba iaid lyngba Kachari, Khyndai Lad bad Iewduh.
Haba iadei bad kane, ki Dribar Taxi kiba kamai ha nongbah Shillong dang step ki la ia lumlang ha surok Civil Hospital ban rai sangeh kamai syndon.
Naka liang ki bor district bad ki Pulit kila wan ban iakren hynrei kala poi pynban shaka jingiania kaba jur namar ki Dribar kim treh ban pynkynriah iaki kali daka ba ong baka DC kadei ban weng mardor syndon iaka hukum pyntreikam Odd/Even iaki kali kamai.
Haduh da thoh ia kane ka khubor, ki Dribar taksi ki dang ap ban iakren bad ka DC halor ka hukum pyntreikam daka Odd/Even iaki kali kamai.
Pule ruh: Thoh u CM sha Delhi ban kynthup ia Ktien Khasi bad Garo ha ka eksamin NCET
