spot_img

Khap ki runar ia ki sainar shiah ha Golakganj, Assam ban khaii masi beain sha Bangladesh

Date:

Share post:

Golakganj, Naiwieng 19 :Ki runar ia kiba la suba ba ki dei napoh Bangladesh hynnin ka sngi Thohdieng kila khap pyndkut ia ki sainar shiah bala ker hapoh ka shnong Jhaskal kaba hap hapoh Golakganj jong ka Dhubri district ka Assam bad kynnoh ba kila tuh noh ia ki artylli ki masi na kane ka shnong, kata hajan ka jaka khappud ba la ker sainar kaba la pahara da ki shipai BSF.

Ha ka por mynstep hadien ba u Ali ula leit ban peit ia ki masi ula shem ba kila jah rngai noh bad hadien ula ioh khubor ha kaba iadei bad katei ka jingkhap ia ki sainar shiah hajan ka khyrdop nombor phra ha ki bynta khappud ka India bad ka Bangladesh.

Ha kawei pat ka bynta, kumno ba ki runar kila ioh lad ban khap ia ki sainar shiah ha ka jaka ba la ap pahara da ki shipai BSF ha ka por mynmiet ka dei ka mat kaba la iakren hapdeng ki paidbah nongshong shnong.

Na ka liang ki heh ka tnat shipai Border Security Force (BSF) bad ki bor pulit kila wan poi mardor ha katei ka jaka hadien ka jingioh pdiang ia katei ka khubor.Hadien la pyllait ruh ia ki ksew sma dien ha katei ka jaka bad kiba la iaid lyngba ia ki pyntha kba kiba don hajan jong kawei ka pung bad wan poi hapoh ka iingsah jong u Mohiruddin na ka bynta ban lapdien ia kitei ki masi.

“Nga khie ha ka por mynstep bad shem ba artylli ki masi kila jah rngai.Ngam tip mano bala rah ia ki lane mano bala tuh.Nga la iaid kylleng ka shnong ban wad ia ki bad shem ba ka jingker sainar ha khappud kala shah pynjulor.Ngam shym la lapdien shuh ia ki.Ha kaba khatduh Nga la leit ban ujor da ka FIR hapoh police station.Ngi suba jur ba ki dei ki runar na Bangladesh kiba donkti ha kaba khap ia kitei ki sainar bad tuh noh ia kine ki masi,” ong u lanot.

Share post:

spot_img
spot_img

Popular

More like this
Related

Kyntait u Myntri ban thung jingtohkit ba kiew ka jingpynlut ia ka Ganol Hydro Project

Shillong Naitung 03: U Myntri ka tnad Bording u...

Pynkhreh ka Sorkar ban pynim biang ia ka MoU ban pyntrei ia ka Kynshi Hydro Project Stage-I

Shillong, Naitung 03 : Ka Sorkar Jylla kala pynkhreh...

Ioh ka MeECL ia ka Environmental Clearance ban pyntrei iaka Leshka Hydro project Stage-II

Shillong, Naitug 03 : Ka Leshka Hydro Power Project...