Shillong, Rymphang 13: Ka Khasi Students Union (KSU) Shillong Mihngi Circle hynne ka sngi nyngkong, ka la leit ban khang tala shisyndon ia ka jaka kilan met bala tip kyrteng ka ‘Muscle Blaster Gym’ kaba don ha Thana Road hadien ba uwei u trai jong kane u Raju Baruah, u la shah kynnoh jrong kti ia kawei ka thei samla kaba 19 snem.
Haba kren sha ki lad pathai khubor u Vice president ka KSU Shillong Mihngi Circle u Alquiz Kharbani ula pynrem jur ia kane ka jingjia bad dawa naki bor jong ka ain ba dei ban shah pynshitom tyngeh kat kum ki kyndon ain pyrshah ia une u trai kane ka Gym
Ula ong ba ki trai jong ka jaka kilan met kidei ban shim ia ki lad ki lynti na ka bynta ban ai ka jingiada ba kyrpang na bynta ki kynthei.
