Shillong, Naitung 14 : Ka Khasi Students’ Union (KSU), Shillong Mihngi Circle, ha ka sngi Ba-ar kala khang tala ia ka mandir kaba la kynnoh shna beain ha phyllaw jong ka Ophis ka Central Bufreau of Investigation (CBI) ha Mawdiangdiang, Shillong.
Kane ka jingkhang tala kala wan jia hadien ka jingiania kaba jur kaba la mih hapdeng ki nongialam ka KSU bad ki bor pyniaid ka CBI kynthup u DIG.
Kat kum ka kyrwoh, ka KSU-Shillong Mihngi hapoh ka jingialam u Assistant Organising Secretary ka Central Executive Committee (CEC) Samla Jeremiah Pohthmi, kala iakynduh ia u DIG ban iakren halor ka jingshna beain ia ka mandir hapoh kane ka ophis Sorkar hynrei la ong ba ka jingiakren kala poi pynban sha ka jingiania bad ka jingiatai kaba jur.
“Namar ba ka jingiakren kam shym la poi shaei shaei ruh, ki dkhot ka KSU kila pynpw ia ka jingbitar da kaba khang tala syndon ia kane ka mandir” ong ka kyrwoh.
U Samla Jeremiah ula pynkynmaw ba ha ki snem ba la lah, ka KSU Shillong Mihngi kala leit iakynduh ia ki Heh Ophisar ka CBI ban pynpaw ia ka jingpyrshah ia ka jingtei beain ia ka mandir. U iathuh ba ki Heh Ophisar ha katei ka por, kila pynthikna ba kan nym don shuh ka jingtei mandir hapoh phyllaw ka Ophis.
U iathuh ba ka Seng kala ioh jingtip dang ha kine ki khyndiat sngi ba ka jingtei ia katei ka mandir kala sdang iaid biang shaid shaid. “Ngi la hiar jurip bad iohi b aka jingtei ia kane ka mandir kala jan dep”.
U samla Jeremiah u iathuh ba ka KSU Shillong Mihngi Circle kala aipor shitaiew ia ki bor ba dei khmih ba ki dei ban pynpra noh syndon ia katei ka mandir haba maham ba lada kim leh eiei hapoh ka por bala buh, ka seng kan shim da kiwei pat ki sienjam ba kham eh.
, Shillong Mihngi Circle, ha ka sngi Ba-ar kala khang tala ia ka mandir kaba la kynnoh shna beain ha phyllaw jong ka Ophis ka Central Bufreau of Investigation (CBI) ha Mawdiangdiang, Shillong.){kind=link}