Shillong, Jylliew 19 : Ka bor district ka East Khasi Hills kala pynbna ban pyrrkhing ia ka leit ka wan ki nongjngohkai sha Lum Shyllong ha ka 20 tarik Jylliew.
Kat kum ka jingpynbna, u Deputy Commissioner ula pyntip ba ia ki nongjngohkai yn shah ban leit kai sha Air Force Station ha Laitkor Peak tang naduh ka por 7 baje mynstep haduh 11 baje mynstep.
U pyntip ba ka jingpyrrkhing ka deinamar ka jingwan jong u Myntri kam iada Ri ha Air Force Station, Laitkor ha katei hi kajuh ka sngi.
Ula ong ba hadien 11 baje mynstep, yn ym shah shuh ia ki nongjngohkai ba kin rung sha phyllaw ka Air Force Station bad kan treikam baroh shisngi.
Ula kyntu ia ki nongjngohkai bad ki nongleit kai ba kin ai ka jingiatreilang bad kane ka jingpynbeit ba shipor.
