Nongpoh, Nailur 15: Katba ka Jylla Meghalaya ryngkat bad ki Bahaiing ha sem ki dang leh donburom khatduh ïaka met bas ah jong u Maheh Dr. DD Lapang ha Nongbah Shillong, Ka Dorbar Shnong Nongpoh ka la bthah ïa ki Nongshong ïew bad nong die dukan ba kin sangeh shipor iaka kamai kajih dakaba khang ïaki dukan naduh kapor 1 baje haduh 3 baje nohphai sngi.
Haba kren naka liang u Bah Plielad Tiewsoh Asst. Rangbah Shnong ka Nongpoh, u la iathuh ba Katei ka jingphah khang iaki dukan daka Dorbar Shnong Nongpoh ka long kum shibynta ban Burom ïa une u riew khraw jong ka them Ribhoi katba ka iing ka sem lem bad ka sorkar jylla ki dang leh donburom khatduh bad ban rah pat ïaka met kaba sah sha u Lum jingtep jong ka Balang Presbyterian Jaïaw.
U la ong ruh, ba ka Shnong ka sngewnguh eh ïa ki kam kiba khraw kiba u Maheh Dr DD Lapang u la leh naka bynta ka Shnong Nongpoh bad ka Ribhoi baroh kawei men ba u dang long kum u MLA bad kum u Myntri Rangbah ka jylla bad ba ka Shnong ka sngew dei eh ban pyndon burom khatduh ïa une u riew khraw dakaba phah khang ïaki dukan baroh.
U Bah Plielad Tiewsoh u la Pynpaw ïaka jingsngew nguh ia baroh ki Nongshong dukan ïaka jingiasnohkti lang jong ki ban khang ryntih iaki dukan bad ha kajuh kapor u la Pynpaw ruh iaka jingsngewnguh iaka kynhun ki Nongniah Auto bad Taxi Kamai jong ka Nongpoh ba ki la Pynpaw iaka jingsngewsih ban duh ia une u nongialam uba ratbah ka Ribhoi dakaba wah ïaki Lama Ïong haki Kali jong ki bad kumjuh ha shilynter jong u Surok bah.
