Shillong, Naitung 17: Ka Khasi Student Union (KSU) hynne ka sngi Thohdieng, kala leit ban khang khyrdep ïa kawei ka Masjid kaba don ha Saw Furlong, halor ka jingkynnoh ba kadei kaba la tei be-aiñ khlem ka jingioh jingbit.
Ki dkhot ka KSU hapoh ka jingialam u Samla Cleenstar Shabong u Organising Secretary ka KSU kila leit khang ia katei ka Masjid, hadien ba ka seng kala ioh jingtip ba ia kane ka jaka la kam trai da uwei u bar jylla uba la tip kyrteng kum u Nurul Choudhary.
Ka KSU kala kynnoh ba ia kane ka Masjid la tei be-aiñ khlem ki kot ki sla bad khlem jingbit naki bor kiba dei khmih, kumta ka KSU kala khang noh syndon ia ka Masjid bad kala maham ba ym dei ban plie tad haduh ban ioh peit bad bishar bniah iaki kot ki sla kynthup ia ki jingioh jingbit na ki bor kiba dei khmih.
