Shillong, Naitung 11 : Ka Iingkashari Meghalaya High Court ha ka sngi Ba-ar, kala hukum ba ym pat dei satia ban pom ia ki dieng tad hadien ba ka kam jong ka song ba nyngkong (package-I) jong ka surok Shillong-Dawki la aiti ban pyntrei sha u contractor.
“ Halor kane ka kam, ym dei shuh ban nang pom ia ki dieng na ka bynta ka package-I tad haduh ka por ba ka kam jong ka package-I la aiti sha u contractor bad u contractor ula lah ban pyntrei ia ka kam khlem ka jingpynwit,kynthup hajan ka Observatory ka Indian Institute of Geomagnetism” ong ka Division Bench ha ka hukum hadien ba shong bishar ia ka PIL.
Ka hukum ka ong ba ka kaiphod halor ka jinglong jingman ba mynta bala ai da ka Sorkar lyngba u Joint Secretary ka tnad Public Workd (R&B), kala ong ba ka technical evaluation of bids ka dang iaid shaid shaid bad ka kam jong ka package-I ym pat shym la ai satia shano shano ruh hadien ba u contractor ba hashuwa, ula iehnoh ia ka project.
Kala kdew ruh ia ka jingkyrngah jong ka Indian Institute of Geomagnetism ban ai ia kano kano ka jaka na ka bynta ban pyntrei ia ka package-I jong ka project.
“Wat lada la aikam sha u contractor, kala paw shai ba ka Indian Institute of Geomagnetism kam kwah satia ban ai ia kano kano ka jaka bad ka National Highway & Infrastructire Development Corporation Limited (NHIDCM) ka sngew ba kam lah ban long ha kaban pynkylla ia ka lynti iaid (alignment) ha kane ka khep ban kiar na ka jingshim jaka naka Indian Institute of Geomagnetism.
Kala ong, wat lada la thung ia u contractor, katba ka IIG ka dang pyneh, ki kam jong ka package-I ki dei ki bym pat lah ban pyntrei satia.
Haba phai pat sha kiwei ki package , ki don bun bah ki jingeh ba iatakhuh bad ki trai jaka bad watla katto katne ki kam ki ba hap hapoh ka jaka ba iakajia ki dei kiba la pyntrei, kam shym la paw pat ba kano kano ka package ka dei kaba la biang ban pyntrei noh ia ka kam.
Ha kajuh ka por, ka Iingkashari kala pan shuh shuh ia ka kaiphod ka ban sa ai da ka Sorkar hapoh ka saw taiew.
Pule lang ia kane: Pyntip ka DC ba wan poi haduh 365 ngut ki phetwir Manipur ha Shillong, mynta sah satang 77 ngut
, kala ong ba ka technical evaluation of bids ka dang iaid shaid shaid bad ka kam jong ka package-I ym pat shym la ai satia shano shano ruh hadien ba u contractor ba hashuwa, ula iehnoh ia ka project.){kind=link}