Shillong, Jylliew 18 : Ka bor District ka East Jaintia Hills hynne ka sngi U Blei, kala khang biang ia ka surok ha Sonapur Tunnel namar ka jingiai bteng ban tuid ka khyndew ktieh na ka jaka ba twa khyndew.
Ka bor District kala plie biang hynnin ka miet haduh 5-6 kynta ia kane ka tunnel ban iaid kali hynrei namar ka jingbteng ka jingtuid ktieh, la hap ban khang biang.
Ki Pulit ka East Jaintia Hills hynne ka step sngi U Blei kila pyntip ba kawei ka liang jong ka surok ha Sonapur Tunnel la plie ban iaid kali hynrei “Da ka jingbatai lypa ba kan don ka jingslap biang ha kine ki 24 kynta ban wan, ka jingtuid ktieh ka lah ban jia biang bad ka lah ban khang lynti ruh ia ka surok hajan ka Tunnel”.
Ki Pulit kila kyntu ia ki nongleit nongwan ba kin kiar na ka jingiaid lynti na kane ka surok lait tang na kaba donkam kyrkieh. Kila kyntu ruh ba lada ki hap iaid, kin hap ban rah bun ka bam bad ka um dih ioh jia ryngkat ba ki sahkut.
Ha kajuh ka por, ka NHAI kala pyrshang borbah ban pynkhuid ia ka ktieh na kane ka surok.
