Shillong, Rymphang 13 : Ka Deputy Commissioner ka East Khasi Hills Kong RM Kurbah kala pynmih ia ka hukum ba khang ban pynlong ia ki jingiakop iadur masi hapoh ka District baroh kawei.
Ka DC kala pynjari iaka kyndon 163 BNSS bad ong ba lada shah ia ka jingiakop iadur masi, kane kan pynkhein ia ka kyndon 11 jong ka Prevention of Cruelty to Animals Act, 1960.
Ka pyntip ba ka Ophis kala ioh ia ki jingtip ba ka jingpynlong ia ki jingiakop iadur masi ka jur bha hapoh ka District khamtam haba pynlong ia ki Fete/lane ki tamasa bapher bapher.
Ka ong ba ka jingpyniakop iadur masi ka pynkhein ruh ia ka hukum ka Iingkashari Supreme Court kat kum ka hukum ba la pynmih ha u snem 2014.
Ia kane ka hukum la pyntreikam mardor bad kino kino kiba ialeh pyrshah kin ngat ha ki jingpynsajia kat kum ki kyndon ain.
