Shillong, Rymphang 24: Ka Ophis District Magistrate East Khasi Hills District ka la pynmih ia ka hukum kaba khang ban iaid ia ki kali kiba kit mar ba khia palat 9 ton ba kin iaid ha ki surok ka thain East Khasi.
Ia kane ka hukum la pynjari katkum ka kyndon 163 jong ka Bharatiya Nagarik Suraksha Sanhita (BNSS),
Kiba pynkheiñ iaka hukum kin shah pynngat ha ka kyndon aiñ 223 jong ka Bharatiya Nyaya Sanhita (BNS).
Kane ka hukum ka long kaba donkam namar la ioh jingtip ba don ki kali kiba heh ki iaid lyngba ka surok Mawmaram-Nongthliew-Mawmih-Mawlyndep, bad ka jingiaid jong ki kali kiba kit palat 9 ton, ka la pynjulor ia ki bynta jong ka surok bad ka buh jingma ia ki nongleit nongwan.
Kane ka hukum kan treikam mardor bad kan treikam haduh ban da mih kiwei pat ki hukum.
