Shillong, Risaw 23 : Ka Deputy Commissioner ka East Khasi Hills, kaba pynjari ia ka kyndon 163 BNSS ba khang pyrshah ia ki kali heh ba kit mar khia ba kin iaid lyngba ka surok Mawmaram-Nongthliew-Mawmih-Mawlyndep.
Kat kum ka hukum, ka DC kala ong ba ka jingiaid jong ki kali heh ba khia palat 9 ton kala pynjulor ia ki bynta jong kane ka surok, kaba la buh jingma ia ki nongshongshnong bad ki nongiaid nongieng namar ka jingkhim palat ka surok.
Kala ong ba kino kino kiba pynkhein ia kane ka hukum kin shah pynshitom kat kum ka kyndon 163 BNSS.
Kane ka hukum kala treikam mardor tad haduh da pynmih da kawei pat ka hukum.
