Itanagar, Nailur 02 : Namar ka jingkyrpad jong ka People for the Ethical Treatment of Animal (PETA) India, ka Sorkar Arunachal Pradesh kala khang ban shna, die bad pyndonkam ia ki glue trap ha baroh kawei ka Jylla na ka bynta ban kem khnai.
Lah ban kdew ba ki paidbah ka Arunchal Pradesh ki ju pyndonkam ia ki glue trap ban kem ia ki khnai. Kane ka rukom leh kala iaid la slem bha hapoh ka Jylla.
Ha ka 24 tarik Nailar, u Commission ka Animal Husbandry, Veterinary bad Dairy Development Bidol Tayeng ula pynmih ia ka jingpynbna ba khang ban shna bad die ia ki glue trap hapoh ka Jylla. U Tayeng ula kdew bad kane ka dei ka jingbthah bala pynmih da ka Animal Welfare Board of India (AWBI) ban khang ia ka glue trap.
Ka jingpynbna ka ong ruh ba ka jingpyndonkam ia ki glur trap ban kem khnai ka pynkhein ia ki kyndon jong ka Prevention of Cruelty to Animals (PCA) Act, 1960, namar ka jingsyllang bad pynsohsat ia kine ki mrad haba ki bitnah ha kine ki trap.
“Ka PETA, India ka ai ka jingiaroh ia ka Sorkar Arunachal Pradesh ba ka shim ia kane ka sienam ban iada ia ki mrad kam pher la ki ba rit ne ba heh” ong u Advocacy Officer ka PETA India Farhat Ul Ain.
Pule ruh: Pdiang sngewbha ka TSF ia ki samla pule thymmai ka UCC College
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
 India, ka Sorkar Arunachal Pradesh kala khang ban shna, die bad pyndonkam ia ki glue trap ha baroh kawei ka Jylla na ka bynta ban kem khnai.){kind=link}