Shillong, Jylliew 11 : U Superintendent of Police ka East Khasi Hills Bah Vivek Syiem, ula pynbna ba kan don ka jingkhang ban iaid ki kali na ka Jingkieng Umshyrpi haduh saw miet namar ba dang iaid ki kam ba pyntrei ha kane ka jingkieng.
Kine ki sngi ba khang iaid kali ki long naduh ka 12 tarik Jylliew haduh ka 15 tarik Jylliew bad ka por ba khang kan treikam naduh ka por 10 baje mynmiet haduh 5 baje mynstep jong ka sngi kaba bud.
Une u Heh Pulit ula kyntu ia ki kali kiba leit ba wan na ka thain Upper Shillong sha Jingkieng Umshyrphi, MES bad kiba leit naki thain Lumdiengjri sha ka thain Upper Shillong, kin pyndonkam noh ia ki surok Laitumkhrah-Madanrting-Laitkor-Pomlakrai-5mer-Upper Shillong.
Ula pyntip ba tang ki kali emergency yn shah ban iaid na kane ka jingkieng.
