Shillong, Jylliew 13: Ka Khasi Hills Autonomous District Council (KHADC) hynne ka sngi Ba-ar, kala pyntip ba kan dang bteng ban kynra Trading bad Labour lincense iaki taxi kamai jong ki bar jylla ha Ri-lum Khasi.
Haha kren sha lad pathai khubor u CEM ka KHADC bah Titosstarwell Chyne ula ong “Kum kine ki jingtalasi kin iai bteng pyrshah ia ki bym don Labour bad Trading license”.
Halor ka jingdon ki bar jylla kiba niah taxi kamai, u bah Titos ula iathuh ba ka kaiphod ka don bad u EM ba khmih iaka Trade bad ka EC kala bthah iaka tnat ban leh iaka ba donkam halor kane.
U bah Titos ula pyntip ba la bthah iaka tnat trade ban peitngor ba baroh ki bar jylla ki bym don iaka labour license kim dei ban ioh iaka trading license ban niah kali kamai.
Nalor kane u CEM ka KHADC ula iathuh baka jingpyntip Notification bala pynmih ka KHADC kadei ban mana ba ki briew kim lah ban shu pynkylla iaka jait tang daka ba shu leh lyngba ka Affidavit.
U bah Titos ula ong baka jingpyntip ka kdew ba ki bor ba khmih kim dei ban ailad ia kum kine ki briew ban pynkylla iaka jait tang daka Affidavit.
“Ka jingpyntip ka kdew ba kino kino kiba kwah ban kylla iaka jait namar lehse mynshwa ki pyndonkam daka jait kpa bad mynta ki kwah ban kylla kidei ban iaid katkum ki ain kata ban shim jingbit naka KHADC bad nangta kin sa leh daka Afidavit” ula ong.
Ula ong ba kino kino kiba kwah ban kylla iaka jait kidei ban pyntip shaka KHADC bad kidei ruh ban pyndep iaki kamram hashuwa ban leh daka Afidavit ban kylla jait.
Pule lang ia kane: MSL 2023 : Wanphai ka Khliehmawlieh bad Rangdajied United na ka jingshah rem sha ka jingioh rung phainal
