Tura, K’lyngkot 17 : Ki Pulit ka Rajabala kila ioh kem sa arngut ki briew kiba suba donkti ha ka jingpyniap ia u dkhot ka ACHIK Dilseng M Sangma, kaba la kynjoh sha ka 8 ngut baroh lang kiba la shah kem, ong ki Pulit.
Ki arngut kiba dang shu shah kem ki dei u Mozahidur Momin ba 22 snem bad u Mofidur Hussain ba 22 snem. Ia kine ki arngut la kem ha ka miet sngi Palei na Diara South Salmara ha Assam.
Ia kane ka jingkem la pynthikna ruh da u Superintendent of Police ka West Garo Hills.
Ki hynriew ngut kiwei pat kiba la kem hashuwa ki kyrteng u Rafiqul Islam (47), Anarul Islam (30), Atowar Islam (40), Ariful Islam (30), Bahadur Shiekh (21) bad u Mozidur Hussain (22)
U Dilseng Sangma, u dkhot ka ACHIK, ula shah pyniap ha ka 9 tarik Kyllalyngkot ha ka por 2 baje eiei katba u dang iahir leit jurip ia ka par tih maw ba beain kaba don ha ka thain Rajabala, West Garo Hills. Kane ka jingjia kala jia ha Goalgoan.
U trai jong kane ka par haduh mynta u dang phetrieh bad ka jingthwet ia une u briew kala iaid shakhmat.
