Shillong, K’lyngkot 02 : Ki Pulit ka Ri-Bhoi District, kila ioh kem ia 3 ngut ki nongkhaii droks kynthup ia arngut ki Kynthei na 15 Mile, GS Road bad ioh kurup bun bah u droks.
Halor ka jingioh khubor ba thikna, ki Pulit ka Ri-Bhoi kila pynlong ia ka jingapktem ha ka thain bad kila ioh bat ia kine ki lai ngut kiba kyrteng u Ekramul Hussain, ka Nihar Begum bad ka Monjuwara Begum.
Na kine ki briew, ki Pulit kila ioh kurup haduh 254.16 gram u droks heroin, ka pisa ba palat T.58 hajar bad 4 tylli ki mobile.
Ki Pulit kila register case pyrshah ia kine ki briew hapoh ki kyndon ka NDPS Act bad ka jingtohkit mynta kala iaid shakhmat.
