Nongpoh, Naiwieng 18: Ki pulit ka Ri Bhoi District hynne ka sngi thohdieng, ki la ïoh ban kem ïa 3 ngut ki nongkhaii drok bad ban kurup ïa u drok heroin ba shongdor haduh T. 14 klur.
Hope this will further ignite the performance of cops on the frontline.
Great teamwork. Kudos to @MeghalayaPolice & @lrbishnoiips
— Conrad Sangma (@SangmaConrad) November 18, 2022
Ki pulit kiba la ïoh jingtip halor ka jingthmu shalan ïa u drok na Manipur sha Meghalaya, kila apshrip ha Mawdaron Saiden Ri-Bhoi naduh hynnin ka miet bad hynne ka step ha ka por 5 baje eiei ki la iohbat ïa kawei ka bus kaba don ïa u number MN 01 AA 0484 bad ha ka jingtalasi, ki la ïoh ban kurup ïa u drok heroine ba la song ha ki 158 tylli ki synduk sabon kiba la buhrieh bha ha ki bynta ba shadien jong kane ka bus.
La pyntip ruh, ba kane ka night super bus ka dei kaba la kit ïa ki 41 ngut ki samla pule na ka jylla Manipur kiba dang thmu ban leit study tour sha Nongbah Shillong bad na ka liang ki pulit ki la hap ban pynbiang pat da ki bus ban pynpoi ïa kine ki samla sha Shillong.
Ki bor pulit ki la kem noh ïa u nongñiah jong kane ka bus lem bad ki nongbud kiba la tip kyrteng kum u Sadam Hussain, u Igbal Hussain bad u Rashi Judin kiba la kynnoh donkti ha kaban shalan ïa u ne u drok ba shongdor haduh 14 klur tyngka.
Na ka liang ki bor pulit ki dang pynlong ïa ka jingtohkit halor kane ka jingshalan ïa u drok bad ruh ban bteng ïa ka jingkhynra ban ïoh kem sa ïa kiwei kiwei pat kiba donkti ha kane ka kam shalan drok beaiñ.
