Shillong, Nailur 28: Ki shipai BSF bad ki pulit ha ka sngi Thohdieng kila iohkem ia 10 ngut ki nong Bangladesh kiba dang wan na Purakhasia da kaba shong ha ka Autorickshaw.
Haba ki BSF kila ioh ia ki jingtip kiba paka, kumta ki shipai BSF bad ki pulit jongka ZigZag Police Station kila ioh bat ia ki 10 ngut ki nong Bangladesh.
Ki BSF bad ki pulit na Purakhasia kila pyntip ba ha kaba nyngkong kila pynieng ia ka jingtalasi ia ki kali ha ka surokbah hapdeng jongka Dalu bad Ampati hynrei hadien ba kila ioh jingtip na ki tyllong khubor ba kitei ki nong Bangladesh kila dep ban iaid lyngba katei ka jaka.
Mar kumta kila pyntip noh mardor ia ki jingtip sha ki pulit jong ka ZigZag Police Station bad la ioh ban kem ia kitei ki 10 ngut ki nong Bangladesh bad la ialam iaki shapoh iing kashari.
