Jowai, Iaiong 14: Ki Pulit jong ka East Jaintia Hills District ha ka sngi u Blei, kila iohkem ia uwei u nongkhaii Ganja bad kila kurup ruh 10 Kg u Ganja na ka shnong Nongsning.
Ki pulit kila pyntip ba kila bat ia uwei u nongniah thuk thuk kaba don ia u nombar AS 11 X 2819 bad haba kila suba sniew kumta kila pynlong ia ka jingkhmih bniah ia une u nongniah bad kila lap ia u Ganja uba don 10 Kg uba la thep ha ki 10 tylli ki paket, na ka pla kaba ula kieng.
Une uba la shah kem la tip kyrteng kum u Bishal Riang (23 snem), u khun jongu Ganga Jay Riang bad kiba shong basah ha Paloipunji T.E. ha Cachar district jong ka jylla Assam.
Ki pulit kila kurup noh ia utei u Ganja bad ia ka thuk thuk thuk jong u Bishal Riang bad la pynngat ruh ia u hapoh jong ka NDPS Act.
