Shillong, Lber 06 : Ki Pulit ka East Jaintia Hills kila ioh kem ia uwei u nongkhaii droks ba nabar ka Jylla bad ioh kurup haduh 77 gram u heroin uba shongdor haduh T. 69 lak.
U Superintendent of Police, Giri Prasad ula iathuh ba ia une u nongkhaii droks la tip kyrteng u Ajamal Husen ba na Natanpur, Assam.
U iathuh ba ia une u briew la ioh kem ha ka por ba talasi kali ha Lumshnong marjan ka toll plaza. Ia une u briew la kem na kawei ka kali Maruti Zuzuki Baleno kaba don u nombor AS-11-S-3488.
Ka kynhun ANTF kala pynlong ia kane ka jingtalasi hadien ka jingioh khubor ia ka jingwan u nongkhaii droks uba wan kit droks na ka thain Silchar.
Une u Heh Pulit u pyntip ba ha ka jingtalasi, ka ANTF kala ioh kurup haduh 7 tylli ki synduk sabon bat hep ia u droks.
Ki Pulit kila kurup noh ia ka kali, kawei ka mobile phone ba don artylli ki SIM card, ka EPIC, ka Driving Licence, ka Pan Card lem bad ka Aadhaar Card.
Ia une u briew la register case hapoh ka kyndon NDPS bad ka jingtohkit mynta kala iaid shakhmat.
