Shillong, Jymmang 05 : Ki Pulit ka East Jaintia Hills hynne ka sngi, kila ioh ban kem ia arngut ki nongkhaii droks kynthup ka longkmie bar jylla bala 65 snem bad ioh kurup ruh ia bun bah u droks.
Ia kine ki arngut la kem na kawei ka kali Maruti Eco ba don u nombor ML05-AE-4423 hadien ka jingpynap shrip kat kum ka khubor ba ioh. Ia kane ka kali la ioh ban bat ha ka surok NH-06 ba marjan ka shnong Sunapur.
Ha ka jingtalasi ia ka kali, ki Pulit kila ioh kurup haduh 14 tylli ki synduk sabon kiba thep ia u droks.
Napdeng kine, 6 synduk la ioh ban kurup na ka met jong ka Gouri Das ba 65 snem bad 8 synduk la ioh ban kurup napoh ka kali.
Ki Pulit kila kem noh ia u nongniah ka kali Safiqul Alom ba 40 snem ba na Silchar Assam bad ia ka Gouri Das ban pynlong ia ka jingtohkit kaba bniah.
Nalor u droks, ki Pulit kila ioh kurup ruh ia ka pisa ba T.26,450 na kine ki arngut.
