Shillong, Rymphang 14 : Ki Pulit kila kem ia u trai jong ka Muscle Master Gym ha Thana Road, u Raju Marua halor ka ejahar bala mudui pyrshah ia u da kawei ka samla, kaba kynnoh ba u jrong kti ia ka ha ka 10 tarik Rymphang.
Kane ka samla kala pyntip ba ka dang shu leit sha kane ka Gym dang lai sngi hynrei u Raju Barua ula khot ia ka sha ka kamra treikam jong u bad hukum ba ka dei ban kyllan umphniang namar kan iarap ban pynum ia ka khlein.
Namar ka jingkyntait, une u briew ula thmu ban pynkyllan jubor dalade ia ka umphniang hynrei dei haka por ba u dang thet kti, kane ka samla kala iohlad ban phet naka Gym.
Une u briew u don mynta hapdeng ka jingtohkit jong ki Pulit.
