Nongstoin, Nohprah 10 : Ki Pulit ka Nongstoin bad ANTF ka WKH, kila ioh kem ia uwei u suba nongkhaii droks ha ka miet sngi Nyngkong bad ioh kurup haduh 10.18 gram u heroin.
Une u briew u kyrteng u Vicky Swer ba sah shipor ha Nondein, Nongstoin. La iohkem ia u katba u dang khaii droks na kawei ka dukan tyre ba don ha ka thain Nondein.
Ki Pulit bad ANTF kila leit khynra ia kane ka dukan bad kila ioh kurup ia u droks ba10.18 gram, 89 tylli ki bilor plastic bar it,2 tylli ki synduk sabon, 6 tylli ki Androis Smartphone, 2 tylli ki keypad phone, ka pisa ba T.60,498 bad ki kot ki slab a donkam.
Ki Pulit kila register case pyrshah ia une u briew hapoh ki kyndon ka NDPS Act bad ka jingtohkit mynta kala iaid shakhmat.
